თბილისი, 24 ივლისი — Sputnik. ბაღდადის ჩრდილოეთით, თვითმკვლელი ტერორისტის მიერ ბლოკ-საგუშაგოსთან ჩადენილი აფეთქების შედეგად, სულ მცირე 10 ადამიანი დაიღუპა, იტყობინება სააგენტო „რია ნოვოსტი“ ასოშეიტედ პრესზე დაყრდნობით.
ინციდენტი კვირა დილას ალ-კადიმენის რაიონში მოხდა, სადაც ძირითადად შიიტები ცხოვრობენ. დაღუპულთა შორის 2 პოლიციელი და 8 მშვიდობიანი მოქალაქეა. კიდევ 20 ადამიანი დაშავდა, განაცხადეს პოლიციასა და სამედიცინო დაწესებულებაში.
ერაყში დაძაბული სიტუაციაა დაჯგუფება „ისლამური სახელმწიფოს“ ქმედებების გამო, რომელმაც ქვეყნის ნაწილი დაიპყრო. „ბოევიკები“ თავდასხმებსა და ტერაქტებს ახორციელებენ, რომელთა მსხვერპლი მშვიდობიანი მოსახლეობა ხდება.
