თბილისი, 24 ივლისი — Sputnik. ფოლადის მწარმოებელი ერთ-ერთი უმსხვილესი კორეული კომპანია Posco საქართველოში მეტალურგიული ქარხნის მშენებლობასა და მასში 500 მილიონი დოლარის ჩადებას გეგმავს.
ეს საკითხი საქართველოს საგარეო საქმეთა მინისტრის მოადგილის დავით ჯალაღანიასა და Posco-ს ვიცე პრეზიდენტის ჯინ-სიკ-ჩოის ხელმძღვანელობით Posco წარმომადგენელების შეხვედრაზე განიხილეს.
კორეული კომპანიის წარმომადგენლებმა ქართულ მხარეს პროექტის დეტალები გააცნეს, რომელიც ქვეყანაში მეტალურგიული ინდუსტრიის განვითარებას შეუწყობს ხელს, ასევე ისაუბრეს სამომავლო გეგმებზე.
Posco მსოფლიოში ფოლადის მწარმოებელ ლიდერ კომპანიათა ხუთეულში შედის.
