თბილისი, 23 ივლისი — Sputnik. მმართველმა პარტიამ „ქართული ოცნება — დემოკრატიული საქართველო“ სოფლის მეურნეობის მინისტრი ოთარ დანელია მაჟორიტარი დეპუტატობის კანდიდატად წარადგინა მარტვილი-აბაშის საარჩევნო ოლქში.
საქართველოს საარჩევნო კოდექსის თანახმად, მას შემდეგ, რაც მინისტრი ცესკოსთვის წარდგენილ საარჩევნო სიაში ხვდება, ვალდებულია დატოვოს თანამდებობა.
პარტიამ საარჩევნო სია უნდა წარადგინოს არჩევნებამდე არაუგვიანეს 26 დღისა.
სამეგრელო-ზემო სვანეთის რეგიონში დეპუტატობის კანდიდატები პრემიერ-მინისტრმა გიორგი კვირიკაშვილმა წარადგინა.
„დარწმუნებული ვარ, რომ წარდგენილი კანდიდატები შეძლებენ ჩვენი გზავნილის ხალხამდე მიტანას და ჩვენ აუცილებლად გავიმარჯვებთ“, — განაცხადა კვირიკაშვილმა.
სამეგრელო-ზემო სვანეთში წარდგენილნი არიან შემდეგი კანდიდატები:
• ზუგდიდში — მერაბ ქვარაია
• ჩხოროწყუ-წალენჯიხაში — გოგა გულორდავა
• ხობში — გოდერძი ბუკია
• სენაკში — ირაკლი ბერაია
• მარტვილსა და აბაშაში — ოთარ დანელია
• ფოთში — ირაკლი ხახუბაია
