თბილისი, 23 ივლისი — Sputnik. თურქეთის პრეზიდენტი რეჯეფ თაიიფ ერდოღანი ხუთშაბათს, 28 ივლისს, უმაღლესი სამხედრო საბჭოს სხდომას გამართავს, რომელიც პირველი იქნება წარუმატებელი სამხედრო გადატრიალების მცდელობის შემდეგ, იუწყება თურქული ტელეარხი NTV.
თურქეთის ლიდერის ადმინისტრაციიდან წყაროს თქმით, სხდომა პრეზიდენტის სასახლეში გაიმართება და არა ქვეყნის შეიარაღებული ძალების გენერალურ შტაბში, როგორც ეს მანამდე იყო.
შეგახსენებთ: 15 ივლისის ღამით თურქეთში მემაბოხე სამხედრო პირებმა სახელმწიფო გადატრიალების მოწყობა სცადეს, რა დროსაც, ბოლო მონაცემებით, დაიღუპა 246 მშვიადობიანი მოქალაქე, ხოლო 2 ათასზე მეტი ადამიანი დაშავდა. დაღუპულები არიან მეამბოხეთა შორისაც.
