თბილისი, 21 ივლისი – Sputnik. სამართალდამცველებმა საქართველოს კალათბურთელთა მეორე ნაკრების წევრი ბექა წივწივაძე ნარკოტიკული საშუალების შეძენა, შენახვა, გადატანის ბრალდებით, თბილისის საერთაშორისო აეროპორტში დააკავეს, იუწყება რადიოსადგუსი "პირველი რადიო".
სპორტსმენის პირადი ჩხრეკისას პოლიციამ ჰაშიში აღმოაჩინა. ინციდენტი რამოდენიმე დღის წინ მოხდა, როდესაც ნაკრები ჩინეთიდან დაბრუნდა, სადაც ორი კვირის მანძილზე შეკრებებზე იმყოფებოადა. მომხდარის შესახებ მასმედიამ მხოლოდ ხუთშაბათს შეიტყო.
აეროპორტში დაკავების ფაქტი შსს-მ დაადასტურა.
„ერთი პირი დააკავეს, თუმცა სასამართლომ სასჯელის ზომად მას გირაო შეუფარდა. გამოძიება გრძელდება. ჩვენ არასდროს არ ვახმაურებთ ინფორმაციას, რომელიც პერსონალურ მონაცემებთან არის დაკავშირებული. ვადასტურებ მხოლოდ იმას, რომ დაკავებულია ერთ-ერთი პირი, გამოძიება გრძელდება. რამდენადაც მახსოვს, მას ჰაშიში აღმოაჩნდა“,-მოჰყავს შსს პრესსამსახურის თანამშრომლის სიტყვები საინფორმაციო სააგენტოს "Новости-Грузия".
ამოღებული ნარკოტიკული ნივთიერების რაოდენობა, ასევე გირაოს თანხა არ ხმაურდება.
სისხლის სამართლის საქმე სისხლის სამართლის კოდექსის ორი მუხლით არის აღძრული. ბრალდებულს ემუქრება თავისუფლების აღკვეთა 9 წლამდე ვადით.
წივწივაძეს მასმედიისთვის კომენტარი არ გაუკეთებია.
