თბილისი, 17 ივლისი – Sputnik. თურქეთის საგარეო საქმეთა სამინისტროში დაადასტურეს, რომ წარუმატებელი სამხედრო გადატრიალებისას ქვეყანაში 290–ზე მეტი ადამიანი დაიღუპა და 1,4 ათასზე მეტი კი – დაიჭრა.
მანამდე გავრცელდა ინფორმაცია, რომ დაღუპულია 265, მათ შორის 104 მეამბოხე და დაჭრილია 1440 ადამიანი.
„სამწუხაროდ, 290–ზე მეტი ჩვენი თანამემამულე დაიღუპა და 1,4 ათასზე მეტი – დაიჭრა“, – აღნიშნულია უწყების განცხადებაში.
ამ სიაში შედის დანაკარგი მეამბოხეთა შორის – ქვეყნის საგარეო საქმეთა სამინისტროს მონაცემებით, მოკლულია 100–ზე მეტი მეამბოხე. აღნიშნულია, რომ დააკავეს 6 ათასზე მეტი ადამიანი, რომლებიც ეჭვმიტანილი არიან გადატრიალების მოწყობის მცდელობაში.
პარასკევს საღამოს თურქეთის ხელისუფლებამ ქვეყანაში სამხედრო გადატრიალების მცდელობის შესახებ განაცხადა. სამხედროებმა, თავის მხრივ, ხელისუფლების ხელში ჩაგდების შესახებ განაცხადეს. შაბათს დილით მეამბოხეებმა იარაღის დაყრა დაიწყეს. თურქეთის ხელისუფლებამ განაცხადა, რომ გადატრიალების მცდელობა ჩავარდა.
