თბილისი, 13 ივლისი — Sputnik. „საქართველოს კონსერვატიული პარტია“ საპარლამენტო არჩევნებში მონაწილეობას პარტია „ქართული ოცნება — დემოკრატიული საქართველოსთან“ ერთად მიიღებს, განაცხადა „კონსერვატორების“ ლიდერმა, პარლამენტის ვიცე-სპიკერმა ზვიად ძიძიგურმა.
„საქართველოს კონსერვატიული პარტია“ საპარლამენტო არჩევნებში მონაწილეობას დამოუკიდებლად არ მიიღებს, ის მონაწილეობას მიიღებს „ქართულ ოცნებასთან“ ერთად“, — განაცხადა ძიძიგურმა ტელეარხ „TV პირველის“ ეთერში.
მას არ დაუზუსტებია, რა ფორმატში ითანამშრომლებენ პარტიები.
„ქართული ოცნების“ კოალიცია დიდი ხანია პრაქტიკულად დაიშალა, მასში შემავალმა პარტიებმა საპარლამენტო არჩევნებში მონაწილეობა დამოუკიდებლად გადაწყვიტეს. სამშაბათს პარლამენტის თავჯდომარემ, რესპუბლიკელმა დავით უსუფაშვილმა ოფიციალურად განაცხადა, რომ კოალიციური თანამშრომლობა დასრულდა.
უფრო ადრე ქვეყნის პრემიერმა გიორგი კვირიკაშვილმა არჩევნებამდე კოალიციის შექმნა გამორიცხა.
