თბილისი, 12 ივლისი — Sputnik. საქართველოდან რუსეთისკენ მიმავალ გზაზე საცობი არ არის, იუწყება საქართველოს შინაგან საქმეთა სამინისტროს პრეს-სამსახური.
წყალგამტარი მილის მოწყობის სამუშაოების გამო მცხეთა-სტეფანწმინდა-ლარსის საავტომობილო გზის 134-135-ე კილომეტრზე 11 ივლისის 17:00 საათიდან 12 ივლისის 05:30 საათამდე ტრანსპორტის მოძრაობა შეჩერებული იყო.
„დარიალის ხეობაში გზაზე საცობი არ არის. ამჟამად მოძრაობა თავისუფალია. მსუბუქი ავტომობილები თავისუფლად გადაადგილდებიან, სატვირთო მანქანებს რიგითობით უშვებენ“, — განაცხადა შსს-ს პრეს-სამსახურის თანამშრომელმა, იუწყება საინფორმაციო სააგენტო „ნოვოსტი-გრუზია“.
როგორც საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი იუწყება, გზის ამ მონაკვეთზე მოძრაობა კვლავ ნებადართულია 5:30 საათიდან 20:00 საათამდე პერიოდში. ამასთან, ყველა სახის ავტოტრანსპორტისთვის სპეციალური რეჟიმი მოქმედებს: აკრძალულია სატვირთო მანქანების ერთდროული მოძრაობა შემხვედრი მიმართულებით, აკრძალულია გაჩერება, უხვი ნალექის შემთხვევაში ავტოტრანსპორტის მოძრაობა აიკრძალება.
