თბილისი, 10 ივლისი — Sputnik. ტერორისტული ორგანიზაცია „ისლამური სახელმწიფოს“ ბოევიკების შეტევის შეჩერების მცდელობისას სირიის პალმირას რაიონში რუსული ვერტმფრენის ეკიპაჟი დაიღუპა. ეს ინფორმაცია შაბათს რუსეთის თავდაცვის სამინისტრომ გაავრცელა.
როგორც სამინისტროში აღნიშნეს, 8 ივლისს რუსეთის ფედერაციაში აკრძალული „ისლამური სახელმწიფოს“ ბოევიკთა დიდმა რაზმმა იერიში მიიტანა პალმირას აღმოსავლეთით სირიის ჯარებზე. ამ დროს რუსი სამხედრო მფრინავ-ინსრტუქტორები რიაფაგატ ხაბიბულინი და ევგენი დოლფინი სირიული ვერტმფრენით Ми-25-ით ფრენას ახორციელებდნენ.
„ფრენისას ეკიპაჟმა მიიღო სირიის დაჯგუფების ხელმძღვანელობისაგან თხოვნა შეტევაზე გადმოსული ბოევიკებისათვის ცეცხლის გახსნაზე. რუსული ეკიპაჟის გააზრებული ქმედებების შედეგად, ბოევიკთა შეტევის შეჩერება მოხერხდა. საბრძოლო ტყვია-წამლის გახარჯვის შემდეგ, უკან დაბრუნებისას ვერტმფრენს ხმელეთიდან ცეცხლი გაუხსნეს ტერორისტებმა. ვერტმფრენი სირიის ჯარების მიერ კონტროლირებად ტერიტორიაზე ჩამოვარდა. ეკიპაჟი დაიღუპა“, — ნათქვამია შეტყობინებაში.
რუსი სამხედრო მფრინავები სარდლობამ მაღალ სახელმწიფო ჯილდოებზე წარადგინა, — აღნიშნეს თავდაცვის სამინისტროში.
