თბილისი, 9 ივლისი – Sputnik. ნატოს გენერალურმა მდივანმა იენს სტოლტენბერგმა განაცხადა, რომ ალიანსის ქვეყნების ლიდერების გადაწყვეტილებით, 2016 წლის შემდეგ ავღანეთში არასაომარი მისია „მტკიცე მხარდაჭერა“ (Resolute Support) გაგრძელდება.
„მივიღეთ გადაწყვეტილება, 2016 წლის შემდეგ პერიოდში განვაგრძოთ ჩვენი მისია „მტკიცე მხარდაჭერა“ მოქნილი რეგიონული მოდელის საშუალებით“, – განუცხადა მან ჟურნალისტებს.
„მტკიცე მხარდაჭერა“ (Resolute Support) ნატოს არასაომარი მისიაა, რომელიც ავღანეთის სამთავრობო ძალების სწავლებასა და დახმარებას ითვალისწინებს.
მისია აშშ–ისა და მისი მოკავშირეების საომარი სტადიის დასრულების შემდეგ, 2015 წლის 1 იანვრიდან ამოქმედდა. დღეისათვის ნატოს მისიაში 870 ქართველი სამხედრო მონაწილეობს, რომელთაგან 13 ქალია.
