თბილისი, 8 ივლისი — Sputnik. ნატო მიესალმება პროგრესს, რომელსაც საქართველო, როგორც ალიანსის წევრობის კანდიდატი ქვეყანა აღწევს, და კვლავ გააგრძელებს მის მხარდაჭერას, განაცხადა ნატოს გენერალურმა მდივანმა იენს სტოლტენბერგმა.
მან აღნიშნა, რომ ალიანსის კარი კვლავ ღიაა — ამჟამად ორგანიზაციის წევრობის მიღების პროცედურას ჩერნოგორია გადის. რაც შეეხება საქართველოს, ნატოს გენერალურმა მდივანმა აღნიშნა, რომ ალიანსში „მხარს ვუჭერთ მას შეიარაღებული ძალების მოდერნიაზაციასა და რეფორმირებაში, რათა კიდევ უფრო დაუახლოვდეს ნატოს სტანდარტებს“.
„მივესალმებით საქართველოს პროგრესს და კვლავ გავაგრძელებთ მხარდაჭერას“, — განაცხადა სტოლტენბერგმა ვარშავის სამიტის საექსპერტო ფორუმზე სიტყვით გამოსვლისას.
