თბილისი, 7 ივლისი — Sputnik. რიო-დე-ჟანეიროს ოლიმპიურ თამაშებზე ქართველი სპორტსმენების გაცილების საზეიმო ცერემონია 23 ივლისს გაიმართება, ნათქვამია საქართველოს ეროვნული ოლიმპიური კომიტეტის ოფიციალურ გვერდზე გავრცელებულ ინფორმაციაში.
ამის შესახებ გადაწყვეტილება სეოკ-ის აღმასკომის სხდომაზე მიიღეს.
დელეგაციის საზეიმო გაცილების ცერემონია დიღომში მდებარე ახალი „ოლიმპიური პარკის“ ტერიტორიაზე გაიმართება. აქვე ამ დღეს ქართველი სპორტსმენები საზეიმო ფიცს დადებენ, რის შემდეგაც მათ საქართველოს კათოლიკოს-პატრიარქი ილია მეორე დალოცავს.
XXXI ზაფხულის ოლიმპიური თამაშები რიო-დე-ჟანეიროში 5-21 აგვისტოს პერიოდში გაიმართება.
