თბილისი, 4 ივლისი — Sputnik. რიო-დე-ჟანეიროს ოლიმპიურ თამაშებზე საქართველოს ოლიმპიური ნაკრების მედროშედ ავთანდილ ჭრიკიშვილი აირჩიეს, განუცხადა Sputnik-ს საქართველოს ეროვნული ოლიმპიური კომიტეტის გენერალურმა მდივანმა ემზარ ზენაიშვილმა.
გადაწყვეტილება ეროვნული ოლიმპიური კომიტეტის სხდომაზე მიიღეს. მისი კანდიდატურა კომიტეტის პრეზიდენტმა ლერი ხაბელოვმა წარადგინა. ამ წინადადებას აღმასრულებელი კომიტეტის ყველა წევრმა ერთხმად დაუჭირა მხარი.
ჭრიკიშვილი ძიუდოში 81 კილოგრამამდე წონით კატეგორიაში ასპარეზობს, არის მსოფლიოს ორგზის, ევროპის ექვსგზის ჩემპიონი და ბაქოს პირველი ევროპული თამაშების გამარჯვებული. ამჟამად ქართველი ძიუდოისტი თავის წონით კატეგორიაში მსოფლიო რეიტინგს უდგას სათავეში.
რიო-დე-ჟანეიროში ოლიმპიური თამაშები 5-დან 21 აგვისტოს ჩათვლით გაიმართება.
