დარიალის ხეობაში ტრანსპორტის მოძრაობა აღდგა

© photo: Sputnik / Vladimir Ivanov / გადასვლა მედიაბანკში"ზემო ლარსის" გამშვები პუნქტი
ზემო ლარსის გამშვები პუნქტი - Sputnik საქართველო
გამოწერა
„ყაზბეგი-ზემო ლარსის“ საკონტროლო-გამტარი პუნქტისკენ მიმავალ გზაზე ტრანსპორტის გადაადგილებასთან დაკავშირებით სპეციალური რეჟიმი დაწესდა, რომლის საფუძველზეც მოძრაობა დღის საათებშია დაშვებული.

თბილისი, 6 ივლისი — Sputnik. დარიალის ხეობაში საავტომობილო გზაზე, რომელიც ღვარცოფის გამო ჩაკეტილი იყო, ტრანსპორტის მოძრაობა აღდგა, ნათქვამია საქართველოს ინფრასტრუქტურისა და რეგიონული განვითარების სამინისტროს ვებგვერდზე.

ტრანსპორტის მოძრაობა 5:30 საათიდან 20:00 საათამდეა დაშვებული. ამასთან, ყველა სატრანსპორტო საშუალებისთვის სპეციალური რეჟიმია დაწესებული: აკრძალულია ერთდროულად, ორივე მხრიდან შემხვედრი მიმართულებით სატვირთო ავტოტრანსპორტის მოძრაობა.

ტრანსპორტის გადაადგილების პროცესს საქართველოს შსს-ს საპატრულო პოლიციის დეპარტამენტი აკონტროლებს.

საქართველოს სამხედრო გზის გახსნა ჯერ კიდევ ორშაბათს იგეგმებოდა, მაგრამ გადაიდო, რადგან გარემოს დაცვის სამინისტრომ განაცხადა, რომ 4 – 7 ივლისს აღმოსავლეთ საქართველოში მოსალოდნელია მნიშვნელოვანი რაოდენობის ნალექი, რამაც მეწყერული და ღვარცოფული პროცესები შეიძლება განაპირობოს.

დარიალის ხეობა - Sputnik საქართველო
ახალი ამბები სამხედრო გზაზე არსებული ვითარების შესახებ. არის ღვარცოფის საშიშროება

კოკისპირული წვიმებისა და ღვარცოფის გამო 23 ივნისს მდინარე თერგმა კალაპოტი შეიცვალა და საქართველოს სამხედრო გზის 134-ე–135-ე კმ-ზე მონაკვეთი მთლიანად წალეკა.

ღვარცოფის შემდეგ საქართველოს ხელისუფლება სტიქიური უბედურების შედეგების აღმოფხვრას დაუყოვნებლივ შეუდგა. სპეციალისტები ადგილზე 24-საათიან რეჟიმში მუშაობდნენ.

ტრაილერების მძღოლებს, რომლებსაც მალფუჭებადი პროდუქტები გადაჰქონდათ რუსეთის მიმართულებით, აზერბაიჯანის გავლით ალტერნატიული გზა შესთავაზეს.

გარდა ამისა, ხილ-ბოსტნეული, რომელიც რუსეთში სომხეთიდან 55 სატვირთო ავტომობილით გადაჰქონდათ, საზღვაო გზით გაგზავნეს.

საქართველოს ხელისუფლების ძალისხმევით გატარებული ზომების შედეგად დარიალის ხეობაში ე.წ. საცობი აღარ არის.

.

ყველა ახალი ამბავი
0