თბილისი, 3 ივლისი — Sputnik. ნიუ-იორკის ცენტრალურ პარკში აფეთქება მოხდა, დაშავებულია ერთი ადამიანი, იუწყება სააგენტო „რია ნოვოსტი“ პორტალ New York Daily News-ზე დაყრდნობით.
გამოცემის ინფორმაციით, აფეთქების შედეგად მამაკაცმა ფეხი დაკარგა. გამოქვეყნებული კადრების თანახმად, მედიკოსებმა დაზარალებულის ჰოსპიტალიზაცია დროულად მოახდინეს.
აფეთქება ნობელისა და სომხური ჰუმანიტარული კომისიის პრემია Aurora Prize-ის ლაურეატის, მწერალ ელი ვიზელის დაკრძალვის პროცესიის ახლოს მოხდა.
თვითმხილველების თქმით, აფეთქება ნაკლები სიძლიერის იყო.
