თბილისი, 3 ივლისი — Sputnik. ამერიკის დამოუკიდებლობის დეკლარაციის ხელმოწერიდან 240 წლის იუბილეს აღსანიშნავად შეერთებული შტატების საელჩომ და სავაჭრო პალატამ ოჯახურ პიკნიკს უმასპინძლა, იუწყება ტელეკომპანია "რუსთავი 2".
„ვფიქრობ 4 ივლისს ყველა ამერიკელი ნოსტალგიურად არის განწყობილი, რადგან ამ დღეს ყველაზე ამერიკული დღესასწაული აღინიშნება. ჩემთვის სასიხარულოა რომ საქართველოში ვიმყოფები. ჩიკაგოს შემდეგ ეს პირველი ადგილია, სადაც დამოუკიდებლობის დღეს სიამოვნებით აღვნიშნავ“, — განაცხადა ამერიკის ელჩმა საქართველოში იან კელიმ.
საელჩოს ტერიტორიაზე მისულ 1200-მდე სტუმარს ორგანიზატორებმა საზეიმო გარემო დაახვედრეს.
ამერიკის დამოუკიდებლობის დღისადმი მიძღვნილი ღონისძიება ფოიერვერკით დასრულდა.
