თბილისი, 2 ივლისი – Sputnik. იაპონური ზაფხულის ფესტივალი „ნაცუ–მაცური“ თბილისში, „გარდენ–ჰოლში“ 30 ივლისს გაიმართება, აღნიშნულია იაპონური ენისა და კულტურის „ფეისბუქის“ გვერდზე.
ფესტივალის ფარგლებში დაგეგმილია კოსპლეის კონკურსი (ონლაინ–თამაში), იაპონური ცეკვების წარმოდგენა, იაპონური კალიგრაფიის – შოდოს გამოფენა, ორიგამის ხელოვნება, ასევე მოეწყობა ხელნაკეთი ნივთების არტ–კუთხეები.
გარდა ამისა, ფესტივალზე მოძრავი კიოსკებით იაპონურ ეროვნულ კერძს – იატაის შესთავაზებენ, ასევე შესაძლებელი იქნება იაკიტორის, ტაკოიაკის, იაპონური ნამცხვრის, ცნოობილი იაპონური ნაყინის – მატჩას დაგემოვნება.
საგანმანათლებლო კუთხეში წარადგენენ ინფორმაციას იაპონური ენისა და კულტურის ცენტრის, ასევე გაცვლითი პროგრამის Chikyujin შესახებ.
„ნაცუ–მაცურიზე“ გამოვა იაპონელი შემსრულებელი Sana.
„გარდენ–ჰოლი“ მდებარეობს ილიას ბაღში – დავით აღმაშენებლის №73.
ფესტივალი 12:00 საათზე დაიწყება და 22:00 საათამდე გასტანს.
ფესტივალის ორგანიზატორია იაპონური ენისა და კულტურის ცენტრი.
