თბილისი, 1 ივლისი — Sputnik. საქართველოს პარლამენტის დეპუტატი „ერთიანი ნაციონალური მოძრაობიდან“ გიგი წერეთელი რუსეთის დელეგაციის გადაწყვეტილებით, ეუთოს საპარლამენტო ასამბლეის პრეზიდენტის პოსტზე მხარი დაუჭიროს მის კანდიდატურას, გაკვირვებულია.
იმის თაობაზე, რომ რუსული მხარე წერეთლის ეუთოს საპარლამენტო ასამბლეის პრეზიდენტობის კანდიდატურას მხარს დაუჭერს, მანამდე Sputnik-ს რუსეთის სახელმწიფო დუმის დეპუტატმა ნიკოლაი კოვალიოვმა განუცხადა. ამჟამად გიგი წერეთელი ასამბლეის ვიცე-პრეზიდენტია.
რუსეთის დელეგაცია ეუთოს საპარლამენტო ასამბლეის ყოველწლიურ სესიაში მონაწილეობისთვის თბილისში ჩამოვიდა.
„სიმართლე გითხრათ, ამის შესახებ რუსულ მხარეს ვესაუბრე. არც ვფიქრობდი, რომ ამაზე საუბარი ღირდა, რადგან ვფიქრობდი, რომ ჩემს მხარდაჭერას არ აპირებდნენ. ჩემთვის, როგორც ამ ორგანიზაციის მომავალი პრეზიდენტისთვის, თანამშრომლობის ამ პლატფორმიდან გამომდინარე, რომელიც ეუთოს აქვს, ნებისმიერი დელეგაციის მხარდაჭერა არის კარგი გზავნილი“, — განუცხადა წერეთელმა ჟურნალისტებს.
როგორც მან აღნიშნა, საქართველოს რუსეთის მხარდაჭერა სჭირდება კონკრეტულ საკითხებში, რომლებიც დაკავშირებულია ქვეყნის ტერიტორიულ მთლიანობასთან სუვერენიტეტის პატივისცემასთან.
წერეთლის კანდიდატურა ეუთოს საპარლამენტო ასამბლეის პრეზიდენტის თანამდებობაზე ევროპის სახალხო პარტიამ თებერვლის ბოლოს წამოაყენა.
ამ გადაწყვეტილებას მხარი დაუჭირა საქართველოს პრეზიდენტმა გიორგი მარგველაშვილმა.
წერეთლის კანდიდატურის წინააღმდეგ მმართველი კოალიციის ზოგიერთი წარმომადგენელი გამოვიდა.
