თბილისი, 1 ივლისი — Sputnik. რუსეთის დელეგაცია საქართველოს პარლამენტის დეპუტატ გიგი წერეთლის კანდიდატურას ეუთოს საპარლამენტო ასამბლეის პრეზიდენტის თანამდებობაზე მიესალმება, განუცხადა Sputnik-ს რუსეთის სახელმწიფო დუმის დეპუტატმა ნიკოლაი კოვალიოვმა.
წერეთელი ამჟამად ეუთოს საპარლამენტო ასამბლეის ვიცე-პრეზიდენტია. ის პარტია „ერთიანი ნაციონალური მოძრაობის“ ერთ-ერთი მნიშვნელოვანი ფიგურაა.
„წერეთლის გვარი საქართველოში დიდგვაროვანი ხალხია. დღეს წერეთლის ძეგლი ვნახე. მაგრამ საქმე ეს არაა. წერეთელმა თავი წარმოაჩინა, როგორც საპარლამენტო ასამბლეის ხელმძღვანელის მცოდნე მოადგილემ, ამიტომ, რა თქმა უნდა, სასურველია, რომ თავმჯდომარე ის გახდეს. ჩვენ მხარს დავუჭერთ წერეთლის კანდიდატურას“, — განაცხადა კოვალიოვმა.
დღეს თბილისში ეუთოს საპარლამენტო ასამბლეის ყოველწლიური სესია გაიხსნა. მასში 57 ქვეყნიდან 700-ზე მეტი დელეგატი მონაწილეობს.
