თბილისი, 1 ივლისი — Sputnik. საქართველოს საფეხბურთო ნაკრების მარცხენა მცველმა გიორგი ნავალოვსკიმ ხელი მოაწერა კონტრაქტს კლუბ „ვერიასთან“, რომელიც საბერძნეთის უმაღლეს ლიგაში გამოდის, იუწყება გუნდის ოფიციალური ვებ-გვერდი.
შეთანხმება 30 წლის ფეხბურთელსა და კლუბს შორის ერთი წლით გაფორმდა. კონტრაქტის ფინანსური დეტალები ცნობილი არ არის.
გასულ სეზონში ქალაქ ვერიას გუნდმა საბერძნეთის უმაღლეს ლიგაში მე-14 ადგილი დაიკავა.
ნავალოვსკი „ვერიაში“ თავისუფალი აგენტის სახით გადავიდა. ბოლო ნახევარი წელიწადი მცველმა ხაბაროვსკის „სკა ენერგიაში“ (ამჟამად „სკა-ხაბაროვსკი“) გაატარა. 2015-2016-ის სეზონის პირველ ნაწილში ის გორის „დილას“ შემადგენლობაში თამაშობდა.
