თბილისი, 29 ივნისი — Sputnik. სტამბულის აეროპორტზე განხორციელებული შეტევის შედეგად 36 ადამიანი დაიღუპა და ბევრი დაშავდა, იუწყება გამოცემა Sabah Daily თურქეთის პრემიერ-მინისტრ ბინალი ილდირიმზე დაყრდნობით.
პრემიერის თქმით, პირველადი მონაცემები იმაზე მიანიშნებს, რომ აეროპორტში მომხდარი ტერაქტის მიღმა რადიკალური დაჯგუფება „ისლამური სახელმწიფო“ დგას.
„ყველა პირველადი მონაცემი იმაზე მიანიშნებს, რომ დაიში (ისლამური სახელმწიფოს არაბული აბრევიატურა) დგას (აეროპორტზე) შეტევის უკან, გამოძიება გრძელდება“, — ციტირებს გამოცემა პრემიერის სიტყვებს.
გამოცემის ინფორმაციით, აფეთქებების შედეგად 147 ადამიანი დაშავდა.
სამშაბათს, დაახლოებით 22:00 საათზე სამი აფეთქება გაისმა სტამბულის ათათურქის აეროპორტის საერთაშორისო ტერმინალის შესასვლელში, გამოსასვლელში და მანქანების ავტოსადგომზე.
