თბილისი, 26 ივნისი — Sputnik. საქართველოს 20 წლამდე ნაკრებმა რაგბიში ფრანგ თანატოლებთან თამაში 24:27 წააგო და ინგლისში გამართულ მსოფლიო ჩემპიონატზე მეათე ადგილი დაიკავა, იტყობინება IRB-ს ოფიციალური გვერდი.
ფრანგებმა დამაჯერებლად ჩაატარეს შეხვედრის პირველი ნაწილი დე იგი ანგარიშით 10:3 მოიგეს. მეორე ტაიმიც ანალოგიური სცენარით წარიმართა. ფრანგები მუდმივად უტევდნენ და 58-ე წუთზე უკვე 20:3-ს იგებდნენ.
ამის შემდეგ ილია მაისურაძის აღსაზრდელები გამოფხიზლდნენ და შეძლეს სხვაობის შემცირება საჯარიმოს წყალობით. კიდევ ორი წარმატებული მცდელობა ოთარ გიორგაძისა და ლუკა გოგინავას ანგარიშზეა. ყველა საჯარიმო ზუსტად შეასრულა გელა აფრასიძემ მაგრამ საბოლოოდ ეს საკმარისი არ აღმოჩნდა იმისათვის რომ ფრანგებს დასწეოდნენ.
U-20-ს მსოფლიო ჩემპიონები ინგლისელები გახდნენ, რომელთაც ფინალში ირლანდიის ნაკრებს 45:21 მოუგეს.
