თბილისი, 22 ივნისი — Sputnik. 13 უნივერსიტეტის კურსდამთავრებულმა 200-მდე სტუდენტმა კარიერული განვითარების ფორუმში მიიღო მონაწილეობა, რომელიც შს სამინისტროს პოლიციის აკადემიაში ჩატარდა. შს სამინისტროს სხვადასხვა განყოფილების წარმომადგენლებმა სტუდენტებს უწყებაში კონკრეტული სამსახურებისა და ვაკანხიების შესახებ მოუყვნენ. ფორუმზე ასევე სამინისტროს შეიარაღება და სპეცტექნიკა იყო წარმოდგენილი. სტუდენტებს ტაქტიკური სწავლებებიც უჩვენეს.
„როდესაც ასეთ ახალგაზრდებს ვხედავ, ოპტიმიზმით ვივსები. ახალგაზრდების ჩართულობა რეფორმებისა და ცვლილებების პროცესში, არის უკიდურესად მნიშვნელოვანი. ჩვენი ქვეყნის მომავალის შექმნას მხოლოდ და მხოლოდ განათლებული ახალგაზრდები შეძლებენ“,- განაცხადა მთავრობის მეთაურმა გიორგი კვირიკაშვილმა.
ფორუმის მთავარი ამოცანა კვალიფიციური და მოტივირებული კადრების მოზიდვა იყო, ასევე შს სამინისტროს მუშაობის პრინციპების შესახებ სტუდენტთა ინფორმირება.
ფორუმს ესწრებოდნენ შინაგან საქამეთა მინისტრი ვახტანგ გომელაური და მთვრობის სხვა წევრები.
სტუდენტებს უჩვენეს შს სამინისტროს პოლიციის აკადემიაში დისტანციური სწავლების პრინციპები, რომლის მეშვეობით შესაძლებელია როგორც პროფესიული, ასევე უმაღლესი განათლების მიღება. სამინისტროში დარწმუნებულები არიან, რომ ეს სიახლე აკადემიაში სწავლის პროცესს უფრო მოქნილს გახდის.
კარიერული განვითარების ფორუმი ტრადიციულ ხასიათს მიიღებს და ყოველწლიურად ჩატარდება.
