თბილისი, 21 ივნისი — Sputnik. საქართველოს ჩემპიონმა ფეხბურთში თბილისის „დინამომ“ ავსტრიის საკურორტო ქალაქ სანკტ-იოჰანში წინასეზონური შეკრება დაიწყო, იუწყება გუნდის ოფიციალური ვებგვერდი.
ავსტრიაში ყოფნის ორი კვირის განმავლობაში ისინი ოთხ საკონტროლო მატჩს ჩაატარებენ. პირველი თამაში ვარშავის „ლეგიის“ წინააღმდეგ 23 ივნისს არის დაგეგმილი.
იურაი იარაბეკის გუნდი შემდეგ ორთაბრძოლას 26 ივნისს „ლუდოგორცთან“ (რაზგრადი) გამართავს, ხოლო 29 ივნისს „მაქაბის“ (ჰაიფა) დაუპირისპირდება. შეკრება კიევის „დინამოსთან“ შეხვედრით (4 ივლისს) დასრულდება.
თბილისის „დინამო“ უეფას ჩემპიონთა ლიგაში ითამაშებს, სადაც სტარტს მეორე საკვალიფიკაციო რაუნდიდან აიღებს. თბილისური კლუბის მეტოქე სომხეთის გუნდი „ალაშკერტი“ იქნება.
