თბილისი, 20 ივნისი — Sputnik. საქართველოს საგარეო საქმეთა სამინისტრომ ღრმა მწუხარებას გამოთქვა რუსეთის ბავშვთა ბანაკში მოზარდების ტრაგიკულ დაღუპვასთან დაკავშირებით.
„საგარეო საქმეთა სამინისტრო უსამძიმრებს და თანაუგრძნობს დაღუპულთა ოჯახებს და ახლობლებს“,- ნათქვამია საგარეო უწყების განცხადებაში.
კარელიაში ბავშვთა გამაჯანსაღებელი ბანაკ „პარკ-ოტელ სიამოზეროს“ ბავშვები და ინსტრუქტორები შაბათს ტბაზე შტორმში მოყვნენ. ტურისტულ ჯგუფში 51 ადამიანი იყო, აქედან ოთხი — უფროსი. ბოლო მონაცემებით, 14 ბავშვი დაიხრჩო, 13 ცხედარი ნაპოვნია, კიდევ ერთი დაღუპულის ძებნა გრძელდება.
რუსეთის საგანგებო ვითარებების მინისტრის ვლადიმერ პუჩკოვის განცხადებით, ბანაკი, სადაც ტრაგედია მოხდა, იხურება.
