თბილისი, 18 ივნისი – Sputnik. საქართველოს მთავრობის მიერ 2015 წელს წარდგენილი წერილობითი პოზიციების შესწავლის შემდეგ, ადამიანის უფლებათა ევროპულმა სასამართლომ მიიღო გადაწყვეტილება, სტრასბურგში საქმეზე "საქართველო რუსეთის წინააღმდეგ" ქართველ მოწმეთა მოსმენა გაემართა, იუწყება საქართველოს იუსტიციის სამინისტრო.
ადამიანის უფლებათა ევროპულმა სასამართლომ ეს გადაწყვეტილება საქართველოს მთავრობის მიერ 2015 წელს წარდგენილი წერილობითი პოზიციების შესწავლის შემდეგ მიიღო.
უწყების მიერ გავრცელებული ინფორმაციით, მიმდინარე წლის 6-17 ივნისს ადამიანის უფლებათა ევროპულმა სასამართლომ 33 მოწმეს მოუსმინა.
მოწმეთა ვინაობა, მათი დაკითხვის დრო, ეპიზოდები თუ სხვა დეტალები, სტრასბურგის სასამართლოს გადაწყვეტილებით მკაცრად კონფიდენციალურია.
ადამიანის უფლებათა ევროპულ სასამართლოში საქმეზე „საქართველო რუსეთის წინააღმდეგ“ ჩვენი სახელმწიფოს ინტერესს იუსტიციის სამინისტრო იცავს.
