თბილისი, 17 ივნისი — Sputnik. გასული წლის განმავლობაში ავტოავარიებს საქართველოში 602 ადამიანი ემსხვერპლა, დაშავდა დაახლოებით 9.9 ათასი კაცი, იუწყება შინაგან საქმეთა სამინისტროს პრეს-სამსახური.
დაღუპულთა დიდი ნაწილი 40–დან 61 წლამდე ასაკის ადამიანია და ასეთთა რაოდენობა 142 კაცია. ავტოავარიებში გარდაიცვალა 28 ბავშვი და მოზარდი.
გასული წელი რეკორდული გამოდგა ავარიების მხრივ ბოლო ხუთი წლის განმავლობაში. სტატისტიკის თანახმად, 2015 წელს 440–ით მეტი შემთხვევა დაფიქსირდა, ვიდრე ეს 2014 წელს იყო.
ავარიების ნახევარზე მეტი თბილისსა და მცხეთა–მთიანეთის მხარეზე მოდის, ყველაზე ნაკლები – კახეთზე.
მანევრირების წესების დარღვევა და სიჩქარის გადაჭარბება — საქართველოში ადამიანები ძირითადად ამ მიზეზით იღუპებიან ავტოავარიებში.
