თბილისი, 17 ივნისი — Sputnik. აზერბაიჯანის მოქალაქე ქალბატონი ბათუმში პროსტიტუციის ადგილის გადაცემის ბრალდებით დააკავეს.
საუბარია სასტუმროზე, რომელიც ბრალდებულმა იჯარით აიღო და გარკვეული საფასურის სანაცვლოდ პროსტიტუციისთვის ნომრებს აქირავებდა, აღნიშნულია შსს-ს ვებ-გვერდზე განთავსებულ განცხადებაში.
ამ დროისთვის მოწმეების სტატუსით უკვე დაკითხეს სასტუმროს მომსახურე პერსონალი და პროსტიტუციით დაკავებული ქალები.
აზერბაიჯანის მოქალაქემ დანაშაული აღიარა.
გამოძიება პროსტიტუციისთვის ადგილის გადაცემის ფაქტზე მიმდინარეობს (საქართველოს სსკ-ის 254-ე მუხლით).
საქართველოში პროსტიტუცია აკრძალულია. პროსტიტუციაში ჩართულ ქალებს ადმინისტრაციული ჯარიმა ელოდებათ.
