თბილისი, 16 ივნისი – Sputnik. საქართველოს ახალგაზრდულმა ნაკრებმა რაგბიში ირლანდილებთან მსოფლიო ჩემპიონატზე А ჯგუფის დასკვნით მატჩში ანგარიშით 7:35 წააგო. ჩემპიონატი ამ დღეებში ინგლისში მიმდინარეობს.
ილია მაისურაძის გუნდი შეხვედრის მეხუთე წუთზე უკვე დაწინაურდა. წარმატებული მცდელობა გააფორმა გუნდის კაპიტანმა ვასილ ლობჟანიძემ, ხოლო რეალიზება თავის ანგარიშზე დავით მოძღვრიშვილმა ჩაიწერა.
ამის შემდეგ მინდვრიდან ილია სპანდერაშვილი გააძევეს. ირლანდიელებმა რიცხობრივი უპირატესობა გამოიყენეს და შესვენებისთვის უკვე 20:7 იგებდნენ.
ვითარება არ შეცვლილა მატჩის მეორე ნახევარში. ირლანდიელებმა დამაჯერებელი თამაში განაგრძეს. თამაშის ბოლოს მინდვრიდან კიდევ ერთი ქართველი მოთამაშე ლუკა გოგინავა გააძევეს.
ირლანდიის ნაკრები U-20 А ჯგუფის გამარჯვებული გახდა და ნახევარფინალში გავიდა. რაც შეეხება ქართველებს, მათ ჯგუფში სამივე მატჩი წააგეს და ტურნირს გამოეთიშნენ.
მსოფლიოს ნახევარფინალში, ირლანდიასთან ერთად, გავიდნენ ინგლისის, არგენტინისა და სამხრეთ აფრიკის გუნდები.
