თბილისი, 16 ივნისი — Sputnik. ადამიანის უფლებათა ევროპულმა სასამართლომ დაადასტურა, რომ ქვეყნის ექს–პრემიერი ვანო მერაბიშვილი კანონიერად იმყოფება პატიმრობაში, განაცხადა ქვეყნის ვიცე–პრემიერმა და ენერგეტიკის მინისტრმა კახა კალაძემ.
„კიდევ ერთხელ ბეჭედი დაესვა, რომ ვანო მერაბიშვილი არის კანონიერი პატიმარი. მას მაქვს დანაშაული იმ კონკრეტულ საქმეებში, რომელიც ჰქონდა წაყენებული. სასამართლომ გამოიტანა სწორი განაჩენი“, — აღნიშნა კალაძემ „რუსთავი 2"–ის ეთერში.
მინისტრის აზრით, ეს ყველაფერი „ნაციონალური მოძრაობისთვის“ იყო ძალიან დიდი შოკი.
რაც შეეხებათ თავად მერაბიშვილის თანამებრძოლებს „ნაცმოძრაობიდან“, მათ სულ სხვაგვარად განმარტეს ევროპული სასამართლოს გადაწყვეტილება. ისინი აცხადებენ, რომ სასამართლომ ვანო მერაბიშვილი პოლიტიკურ პატიმრად აღიარა.
