თბილისი, 12 ივნისის — Sputnik. 2015 წლის 13 ივნისის სტიქიის წლისთავთან დაკავშირებით სამების საკათედრო ტაძარში პანაშვიდი აღევლინება, ამის შესახებ საქართველოს კათოლიკოს-პატრიარქმა ილია მეორემ საკვირაო ქადაგებისას განაცხადა.
„ხვალ არის სტიქიური უბედურების ერთი წლისთავი. რამდენიმე კაცი დაიღუპა და ჩვენ გვექნება პანაშვიდი“, — აღნიშნა უწმინდესმა.
2015 წლის 13 ივნისს თბილისში დამანგრეველი წყალდიდობა მოხდა. ადიდებულმა მდინარე ვერემ დატბორა საცხოვრებელი სახლები, ზოოპარკი, „მზიურის“ პარკი, თამაზ ელიზბარაშვილის ძაღლების კერძო თავშესაფარი და ასევე მოშალა ქალაქის ინფრასტრუქტურა. სტიქიამ 21 ადამიანის სიცოცხლე იმსხვერპლა, ორი ადამიანი კი დღემდე დაკარგულად ითვლება.
