თბილისი, 10 ივნისი – Sputnik. თბილისში C ჰეპატიტის მომსახურების ცენტრი გაიხსნა. C ჰეპატიტის ელიმინაციის სახელმწიფო პროგრამით 10 ივნისიდან ყველა პაციენტი ისარგებლებს, მანამდე კი ამ პროგრამით მხოლოდ მძიმედ დაავადებული პაციენტები სარგებლობდნენ.
ბენეფიციარები დარეგისტრირებას შეძლებენ ფალიაშვილის ქუჩის 110 ნომერში, აქვე იმუშავებს სკრინინგის, დიაგნოსტიკისა და მკურნალობის განყოფილებები, იუწყება ტელეკომპანია "რუსთავი 2".
ახალი ცენტრი დღეში 2500-3000 ბენეფიციარს მოემსახურება. ცენტრში იმუშავებს ცხელი ხაზიც.
საქართველო ჯანდაცვის მინისტრმა დავით სერგეენკომ ადრე განაცხადა, რომ 10 ივნისიდან C ჰეპატიტის პროგრამაში ჩართვის კრიტერიუმები გაუქმდება. ნებისმიერ პაციენტს, მიუხედავად დაავადების სიმძიმისა, საშუალება მიეცემა ჩაერთოს პროგრამაში ყოველგვარი შეფერხების გარეშე.
საქართველოს მთავრობამ ამერიკულ კომპანია Gilead Sciences-თან ათწლიანი შეთანხმება გააფორმა, რომლის თანახმად, ის ქვეყანას С ჰეპატიტით დაავადებულთა მკურნალობისთვის აუცილებელი მედიკამენტებით უზრუნველყოფს.
ჯანდაცვის სამინისტროს წელიწადში 20 ათასი პაციენტის მკურნალობის დაფინანსება შეეძლო, ახლა კი ეს რაოდენობა 30 ათას პაციენტამდე გაიზარდა.
