თბილისი, 6 ივნისი — Sputnik. საქართველოს მთავრობამ მხარი დაუჭირა პრეზიდენტ გიორგი მარგველაშვილის განკარგულებას საპარლამენტო არჩევნების 8 ოქტომბერს ჩატარების შესახებ, იუწყება ტელეკომპანია „იმედი“.
ეს პრეზიდენტის რიგით მეორე განკარგულებაა არჩევნების თარიღთან დაკავშირებით. პირველ ჯერზე განკარგულებას პრემიერ–მინისტრმა გიორგი კვირიკაშვილმა არ მოაწერა ხელი, ვინაიდან იმ შემთხვევაში წინასაარჩევნო კამპანია არჩევნებამდე ხუთი თვით ადრე უნდა დაწყებულიყო, რაც დიდ ფინანსურ ხარჯებთან იქნებოდა დაკავშირებული.
მოგვიანებით პრეზიდენტმა სამ წინასაარჩევნო ვადის სამ თვემდე შემცირების წინადადება წამოაყენა, თუმცა სახელმწიფოს პირველი პირები საბოლოოდ შეთანხმდნენ, რომ წინასაარჩევნო მარათონი ოთხი თვით ადრე, 8 ივნისს დაიწყებოდა.
საქართველოს კანონმდებლობის თანახმად, წინასაარჩევნო კამპანია სტარტს მას შემდეგ იღებს, რაც „საქართველოს საკანონმდებლო მაცნის“ ვებგვერდზე პრემიერ–მინისტრის მიერ ხელმოწერილი განკარგულება გამოქვეყნდება.
