კონკურსი გამოცხადდა ზუგდიდში აეროპორტის მშენებლობაზე

© photo: Sputnik / Александр Кряжев / გადასვლა მედიაბანკშიაეროპორტი
აეროპორტი - Sputnik საქართველო
გამოწერა
НовостиTelegram
საქართველო ინვესტორს ეძებს ზუგდიდის მახლობლად ახალი აეროპორტის მშენებლობისათვის.

თბილისი, 5 ივნისი —Sputnik.  „საქართველოს აეროპორტების გაერთიანება“ იწვევს დაინტერესებულ პირებს ქალაქ ზუგდიდში,  მის კუთვნილ უძრავ ქონებაზე განახორციელონ აეროპორტის მშენებლობა-რეაბილიტაცია და მისი შემდგომი ოპერირება, იტყობინება საქართველოს ეკონომიკისა და მდგრადი განვითარების სამინიტრო

წინადადებების წარმოდგენის ბოლო ვადაა არაუგვიანეს 2016 წლის 21 ივნისისა  შემდეგ მისამართზე: საქართველო, ქ. თბილისი, ისანი-სამგორის რაიონი, აეროპორტი, ან ელექტრონულ მისამართზე business@airports.ge

ყველა პირობის შეთანხმების შემთხვევაში,  საქართველოს აეროპორტების გაერთიანება გამოთქვამს სურვილს იჯარისა და აღნაგობის უფლებით გადასცეს დაინტერესებულ კომპანიას შესაბამისი უძრავი ქონება და გაუფორმოს აეროპორტის ოპერირების ხელშეკრულება.

თვითმფრინავები თელავის აეროპორტში - Sputnik საქართველო
ქართველი მფრინავები სწავლებას აეროპორტ „მიმინოში“ გაივლიან

საქართველოში 4 მოქმედი აეროპორტია: თბილისის საერთაშორისო აეროპორტი, ბათუმის საერთაშორისო აეროპორტი, ქუთაისის საერთაშორისო აეროპორტი და პატარა აეროპორტი სვანეთში, რომელიც მხოლოდ ადგილობრივი ავიარეისებისათვის გამოიყენება. 

 2015 წელს საქართველოში ავიაკომპანიების მიერ გადაყვანილ მგზავრთა რაოდენობამ 2 მილიონ 261 ათასი შეადგინა, რაც 2014 წლის მაჩვენებელს 13%-ით აღემატება. 


ყველა ახალი ამბავი
0