თბილისი. 29 მაისი — Sputnik. სამცხე-ჯავახეთის რეგიონში ადიგენის რაიონის ორ სოფელში სეტყვამ წვიმასთან ერთად მოსავალი გაანადგურა, ტელეკომპანია „რუსთავი-2“-ის ეთერში განაცხადა რეგიონის გუბერნატორმა აკაკი მაჭუტაძემ.
მაჭუტაძის სიტყვებით, გადაუღებელი წვიმების გამომ ნაპირებიდან გადმოსულმა დინარე ოწხიმ ადიგენის რაიონის სოფლები ვარხანი და უნწა დატბორა, სეტყვამ კი დარჩენილი მოსავალი გაანადგურა.
„წაღებულია შინაური ფრინველი და პირუტყვი, დაიტბორა სახლები. ახლა მაშველები სახლებიდან წყლის ამოტუმბვას ცდილობენ, მაგრამ ისევ წვიმს“,- თქვა მაჭუტაძემ.
ცოტა ხნის წინ სეტყვისგან მცხეთა-მთიანეთის რეგიონი დაზარალდა, სადაც სატყვამ სოფელ ებნისში მთელი მოსავალი გაამადგურა. ძლიერი სეტყვისგან ასევე კაზეთისა და შიდა ქართლის რეგიონები დაზარალდა.
