თბილისი, 28 მაისი — Sputnik. ამერიკის ფედერალური ტოქსიკოლოგიური პროგრამის მკვლევარებმა ვირთხები ელექტრომაგნიტური გამოსხივების გავლენის ქვეშ მოაქციეს, რაც მობილურ ტელეფონებს ახასიათებს. გარკვეული პერიოდის შემდეგ ვირთხებს კიბო აღმოაჩნდათ.
„მეცნიერებმა გამოარკვიეს, რომ გამუდმებული ელექტრომაგნიტური გამოსხივების გავლენით, საცდელი მამალი ვირთხების 2–3% გულისა და ტვინის კიბოს იშვიათი ფორმით ავადდებიან“, — იუწყება გაზეთი Huffington Post, რომელიც თავის მხრივ, კვლევებს ეყრდნობა.
ვირთხებს ელექტრომაგნიტური გამოსხივების ქვეშ ორი წლის განმავლობაში ყოველდღიურად 9 საათის განმავლობაში ამყოფებდნენ. კვლევაში ნათქვამია, რომ დედალი ვირთხები მამლებზე მეტად გამძლეები გამოდგნენ და ნაკლებად ავადდებოდნენ.
მეცნიერები არ ამტკიცებენ, რომ მობილურ ტელეფონს ასეთივე ზიანი შეუძლია მიაყენოს ადამიანსაც, თუმცა მაინც გვირჩევენ, აპარატები გულის არეს მოვარიდოთ და მოშორებით დავიჭიროთ, ვინაიდან რაც უფრო შორსაა ელექტრომაგნიტური გამოსხივების წყარო, მით ნაკლებია მისი გავლენა.
