თბილისი, 27 მაისი — Sputnik. „დინამო“ თბილისის საფეხბურთო კლუბის თავდამსხმელი გიორგი ქვილითაია ერთბაშად რამოდენიმე გერმანული კლუბის ინტერესთა სფეროში მოხვდა, იუწყებიან გერმანიის მასმედიის საშუალებები.
საქართველოს ჩემპიონატის საუკეთესო ბომბარდირით, რომლის ანგარიშზე 29 ჩატარებულ შეხვედრაში 24 გატანილი გოლია, დაინტერესდნენ „კაიზერსლაუტერნი“, „აინტრახტი“ ბრაუნშვეიგიდან და „კარლსრუე“. სამივე გუნდი გერმანიის მეორე ბუნდესლიგას წარმოადგენს.
Sport-90 პორტალის განცხადებით, „კაიზერსლაუტერნის“ სკაუტები უახლოეს დროს ფორვარდის თამაშს ყურადღებით შეისწავლიან, რის მერე თავის დასკვნას დადებენ.
ადრე მასმედიაში იმის შესახებ გაჩნდა ინფორმაცია, რომ ქვილითაიათი უკრაინის ჩემპიონი-კიევის „დინამო“ დაინტერესდა. ტრანსფერის სავარაუდო თანხაც კი სახელდებოდა-ერთი მილიონი ევრო.
„კაიზერსლაუტერნი“ გერმანიის ჩემპიონი ოთხჯერ გახდა. უკანასკნელად კლუბმა წარმატებას 1998 წელს მიაღწია. სამი უკანასკნელი სეზონის განმავლობაი „წითელი აშმაკები“ გერმანიის მეორე ბუნდესლიგაში გამოდიან. წელს მათ ჯამური მეათე ადგილი დაიკავეს.
