თბილისი, 22 მაისი — Sputnik. სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ მღვდელ-მონაზონ ბასილის სულის მოსახსენიებელი პანაშვიდი წმინდა ილიას ტაძარში გადაიხადა.
უბედური შემთხვევა მტკვრის სანაპიროზე 17 მაისს მოხდა. მაშველები მტკვარში გადავარდნილ „ოპელის“ მარკის ავტომანქანას ეძებდნენ, რომელშიც, სავარაუდოდ, ერთი ადამიანი იმყოფებოდა.
"თქვენ იცით, რომ ჩვენ გვეწვია დიდი მწუხარება — მანქანით მტკვარში გადავარდა ჩვენი მღვდელ-მონაზონი ბასილი. ღმერთმა ნათელში ამყოფოს მისი სული",- ბრძანა პატრიარქმა სამების საკათედრო ტაძარში საკვირაო ქადაგებისას.
მაშველებმა რამდენიმედღიანი ძებნის შედეგად, ცხედარი და ავტომობილი გუშინ, საღამოს იპოვეს.
