საქართველოს ქალთა ფეხბურთის ნაკრებმა გაერთიანებული საამიროების გუნდს კვლავ მოუგო

© photo: Georgian Football Federation საქართველოს ქალთა ფეხბურთის ნაკრები
საქართველოს ქალთა ფეხბურთის ნაკრები - Sputnik საქართველო
გამოწერა
Yandex newsTelegram
ორივე შეხვედრა ქართველი ფეხბურთელი ქალებისთვის 2017 წლის ევროპის ჩემპიონატის შესარჩევი მატჩისთვის მზადების ნაწილია. შესარჩევ ჯგუფში 6 საქართველოს ნაკრებს ბოლო ადგილი უკავია.

თბილისი, 21 მაისი – Sputnik. საქართველოს ქალთა ფეხბურთის ეროვნულმა ნაკრებმა მეორე ამხანაგურ მატჩში არაბთა გაერთიანებული საამიროების გუნდს ანგარიშით 3:0 მოუგო. მატჩი თბილისში, მიხეილ მესხის სახელობის სტადიონზე გაიმართა, აღნიშნულია საქართველოს ფეხბურთის ფედერაციის ოფიციალურ ვებგვერდზე გამოქვეყნებულ განცხადებაში.

პირველი გოლი ლევან ბაჟელიძის გუნდმა პირველი ტაიმის ბოლოს გაიტანა. გოლის ავტორია ნათია ბაქრაძე.

საქართველოს ქალთა ნაკრები გუნდი - Sputnik საქართველო
საქართველოს ქალთა ფეხბურთის ნაკრებმა არაბთა გაერთიანებული საამიროების გუნდს მოუგო

საქართველოს ნაკრებმა, მიუხედავად უპირატესობისა მეორე ტაიმში, ბურთების გატანა მხოლოდ შეხვედრის მიწურულს შეძლო. 73–ე წუთზე ბაქრაძემ დუბლი გააფორმა, ხოლო 10 წუთის შემდეგ ლანა გორგაძემ საბოლოო შედეგი დაადგინა.

პირველი ამხანაგური შეხვედრა რამდენიმე დღის წინ ასევე თბილისში გაიმართა.

ქართული გუნდისთვის ორივე შეხვედრა 2017 წლის ევროპის ჩემპიონატის შესარჩევი მატჩისთვის მზადების ნაწილია. მატჩი ჩრდილოეთ ირლანდიის ნაკრების წინააღმდეგ ბელფასტში 3 ივნისს გაიმართება. 

ხუთი ჩატარებული მატჩის შემდეგ შესარჩევ ჯგუფში 6 საქართველოს ბოლო ადგილი უკავია. ქართველმა გოგონებმა ვერცერთი ქულის აღება ვერ შეძლეს, კარში 20 გოლი გაუშვეს და მხოლოდ ორი — გაიტანეს.


ყველა ახალი ამბავი
0