თბილისი, 20 მაისი — Sputnik. თბილისის სააპელაციო სასამართლომ ყადაღა მოხსნა შპს „ტელეკომპანია საქართველოს“ 51%-იან წილს ტელეკომპანია „რუსთავი 2-ში, იტყობინება საინფორმაციო სააგენტო „"Новости-Грузия" ადვოკატ დიმიტრი საძაგლიშვილზე დაყრდნობით.
2015 წლის სექტემბერში ერთ-ერთმა კომპანიამ სურვლი გამოთქვა შეეძინა ეს წილი „რუსთავი 2“-ში რამდენიმე მილიონის ინვესტირების ვალდებულებით. ქიბარ ხალვაშის შუამდგომლობით, რომელიც პრეტენზიას აცხადებდა „რუსთავი 2“-ის ფლობაზე, თბილისის საქალაქო სასამართლომ დააყადაღა ეს წილი.
„ყადაღა დღეს მოიხსნა. იგი თავის დროზე იმისათვის დაიდო, რომ შპს „ტელეკომპანია საქართველოს“ რომელიც „რუსთავი 2“-ის პარტნიორია, ინვესტირება ვერ განეხორციელებინა „რუსთავი 2-ში, — თქვა საძაგლიშვილმა.
„რუსთავი 2-ის“ გარშემო სასამართლო განხილვამ ქართულ საზოგადორბაში დიდი რეზონანსი გამოიწვია.
თბილისის საქალაქო სასამართლომ 2015 წლის ნოემბერში ტელეკომპანიის 60% ქიბარ ხალვაშს გადასცა, ხოლო მის კომპანიას შპს „პანორამა“-ს — 40%. გარდა ამისა სასამართლომ ტელეკომპანიას დროებითი მმართველები დაუნიშნა.
მოგვიანებით სააპელაციო სასამართლომ დროებით მმართველებზე გადაწყვეტილების ანულირება მოახდინა და რუსთავი 2-ის გენერალური დირექტორის, ნიკა გვარამიასა და ფინანსური დირექტორის კახა დამენიას უფლებამოსილებები აღადგინა.
„რუსთავი 2-ის“ ქონება ჯერ კიდევ დაყადაღებულია, თუმცა სააპელაციო სასამართლომ ქონების არენდით გაცემაზე აკრძალვა მოხსნა.
