თბილისი, 30 ნოემბერი — Sputnik. თბილისის სააპელაციო სასამართლომ 30 ნოემბერს გააუქმა თბილისის საქალაქო სასამართლოს გადაწყვეტილება „რუსთავი 2–ში“ დროებითი მმართველების დანიშვნის შესახებ, რითაც დააკმაყოფილა ტელეარხის ადვოკატების მოთხოვნა, — წერს ქართული მედია.
სააპელაციო სასამართლოს გადაწყვეტილების თანახმად, მედიის ინფორმაციით, არხის გენერალური დირექტორ ნიკა გვარამიასა და ფინანსურ დირექტორ კახა დამენიას უფლებამოსილება აღუდგათ. 30 ნოემბრიდან „რუსთავი 2–ს“ დროებითი მმართველები აღარ ეყოლება. გადაწყვეტილება საბოლოოა და გასაჩივრებას არ ექვემდებარება.
სააპელაციო სასამართლომ 30 ნოემბერს „რუსთავი 2–ის“ კიდევ ერთი საჩივარი დააკმაყოფილა, რომლის თანახმადაც აკრძალვა მოიხსნა არხის მოძრავი და უძრავი ქონების გაქირავებაზე.
