თბილისი, 9 ნოემბერი — Sputnik. ტელეკომპანია „რუსთავი 2"–ში დამოუკიდებელი სარედაქციო პოლიტიკის უზრუნველსაყოფად საბჭო უნდა შეიქმნას, — განაცხადა საქართველოს საგარეო საქმეთა მინისტრმა გიორგი კვირიკაშვილმა პარასკევს, 9 ნოემბერს.
გასულ კვირას ცნობილი გახდა, რომ თბილისის საქალაქო სასამართლომ ტელეკომპანია „რუსთავი 2"–ში დროებითი მმართველები დანიშნა. ესენი არიან: ტელეკომპანიის დამფუძნებელი დავით დვალი და Forbes Georgia–ს ყოფილი მთავარი რედაქტორი და ასევე ტელეკომპანია „იმედის“ ყოფილი დირექტორი რევაზ საყევარიშვილი.
„ვისურვებდი, რომ გარდამავალ პერიოდში ან რაც გნებავთ ის ვუწოდოთ, არსებულ პერიოდში შექმნან პროფესიული ნიშნით და დამოუკიდებლობის მაღალი დონით უზრუნველყოფილი საბჭო, რომელიც თავის მხრივ სარედაქციო პოლიტიკის დამოუკიდებლობას უზრუნველყოფს. მეტი ჩარევის ბერკეტი ჩვენ ამ შემთხვევაში არ გაგვაჩნია“, — აღნიშნა მინისტრმა ჟურნალისტებთან საუბრისას.
