თბილისი, 17 მაისი — Sputnik. დაკავებებით დაიწყო ჰომოფობიასთან ბრძოლის საერთაშორისო დღის აღნიშვნა თბილისში. გამთენიისას სამართალდამცველებმა ათი ლგბტ აქტივისტი დააკავეს, ამის შესახებ ტელეკომპანია “რუსთავი 2“ იტყობინება.
ტელეკომპანიის ინფორმაციით, დაკავების მიზეზი გახდა ის, რომ „სიყვარული თანასწორია“ — ამ შინაარსის წარწერებს ისინი საპატრიარქოს ღობის კედელზე აკეთებდნენ და მათ სამართალდამცავები ქალაქის იერსახის დამახინჯებაში ადანაშაულებენ.
კიდევ რამდენიმე ადამიანს, პოლიციის დაუმორჩილებლობასაც ედავებიან, რომელიც 15 დღიან პატიმრობას ან 250-დან 2 ათას ლარამდე ჯარიმას ითვალისწინებს.
ათივე დაკავებული პოლიციის განყოფილებაშია გადაყვანილი. ლგბტ აქტივისტების დაკავების ფაქტს ადასტურებენ შინაგან საქმეთა სამინისტროში. დაკავებულების საკითხზე სასამართლო გადაწყვეტილებას დღესვე მიიღებს.
