თბილისი, 15 მაისი — Sputnik. თბილისში ივლისში დაგეგმილ ეუთოს საპარლამენტო ასამბლეაზე დასასწრებად საქართველოში რუსეთის დელეგაციის ვიზიტის საკითხის გადაწყვეტაზე სპეციალური ჯგუფი მუშაობს, განუცხადა შაბათს სააგენტო РИА Новости-ს საპარლამენტო უმრავლესობის დეპუტატმა ეკა ბესელიამ.
როგორც მანამდე ასამბლეის სპეციალურმა წარმომადგენელმა ტერორიზმთან ბრძოლის საკითხებში ნიკოლაი კოვალიოვმა განაცხადა, ქართულმა მხარმა ზეპირი ფორმით დაარწმუნა რუსეთის დელეგაცია, რომ ისინი შეძლებენ სრული შემადგენლობით შემოვიდნენ საქართველოს ტერიტორიაზე სესიაში მონაწილეობის მისაღებად.
„მე ვიცი, რომ ჯგუფი, რომელიც ეუთოს საპარლამენტო ასამბლეის სესიის ორგანიზებით არის დაკავებული, მუშაობს ამ საკითხზე“, — განაცხადა ბესელიამ პასუხად კითხვაზე, შეძლებს თუ არა რუსეთის დელეგაცია უპრობლემოდ შემოვიდეს ქვეყანაში სესიაში მონაწილეობის მისაღებად.
„მე არ ვარ დელეგაციის წევრი, მაგრამ ვიცი, რომ მიდის მუშაობა იმაზე, რომ სტანდარტები და მოთხოვნები შეესაბამებოდეს საქართველოს კანონმდებლობას“, — დასძინა ბესელიამ.
