არალეგალურად მოქმედი კაზინოს მესვეურები დააკავეს

© Pixabay / PIRO4Dკაზინო
კაზინო - Sputnik საქართველო
გამოწერა
მომხდარ ფაქტზე გამოძიება საქართველოს სისხლის სამართლის კოდექსის 192-ე მუხლის მეორე ნაწილით მიმდინარეობს, რაც 3-დან 5 წლამდე თავისუფლების აღკვეთას ითვალისწინებს.

თბილისი, 7 მაისი – Sputnik. საქართველოს ფინანსთა სამინისტროს საგამოძიებო სამსახურმა, გატარებული ოპერატიულ-სამძებრო და საგამოძიებო მოქმედებების შედეგად, თბილისში არალეგალურად მოქმედი აზარტული სათამაშო კლუბი, კაზინო გამოავლინა, აცხადებს უწყების პრესსამსახური

ხელბორკილი - Sputnik საქართველო
თაღლითობის ბრალდებით 43 პირი დააკავეს

„გამოძიების ინფორმაციით, საქართველოს სამ მოქალაქეს, დავით ჩ-ს, გიორგი ლ-ს, და საბა ქ-ს ქალაქ თბილისში, თაბუკაშვილის ექვს ნომერში, მოქმედი კანონმდებლობის გვერდის ავლით, შესაბამისი ნებართვისა და ყოველგვარი მოსაკრებლის გადახდის გარეშე, არალეგალურად ჰქონდათ მოწყობილი აზარტული კლუბი, სადაც მათივე ორგანიზებით სისტემატიურად იმართებოდა, სხვადასხვა აზარტული თამაშები. თამაშების ორგანიზების სანაცვლოდ მხილებული პირები გასამრჯელოს სახით იღებდნენ აზარტულ კლუბში შესული თანხის 20%-ს, ხოლო დარჩენილ თანხას საპრიზო ფონდის სახით აზარტულ თამაშებში გამარჯვებულ მოქალაქეებზე ანაწილებდნენ“, — ნათქვამია განცხადებაში.

მომხდარ ფაქტზე  გამოძიება საქართველოს სისხლის სამართლის კოდექსის 192-ე მუხლის მეორე ნაწილით მიმდინარეობს, რაც 3-დან 5 წლამდე თავისუფლების აღკვეთას ითვალისწინებს.


ყველა ახალი ამბავი
0