თბილისი, 7 მაისი – Sputnik. აპრილის ბოლოს აშშ-ის შეიარაღებულმა ძალებმა იემენში განხორციელებული სპეცოპერაციისას „ალ-ქაიდას“ ათი მებრძოლის ლიკვიდირება განახორციელა, იუწყება აშშ-ის თავდაცვის სამინისტრო.
„23 აპრილიდან ჩვენ ოთხი კონტრტერორისტული დარტყმა განვახორციელეთ დაჯგუფება „ალ-ქაიდას“ წინააღმდეგ, რა დროსაც ბოევიკების ათი მებრძოლი დაიღუპა და ერთი დაიჭრა“, — პენტაგონის წარმომადგენლის ჯეფ დევისის სიტყვებს ციტირებს გამოცემა Business Standart.
მისი სიტყვებით, აშშ „ორგანიზაცია „ალ-ქაიდას“ განადგურების მიზნის ერთგულია სადაც არ უნდა იყვნენ ისინი“.
პარასკევს პენტაგონმა განაცხადა, რომ „ალ-ქაიდასთან“ დაკავშირებული ბოევიკების დაჯგუფების წინააღმდეგ ბრძოლაში დასახმარებლად სამხედრო მოსამსახურეების „არცთუ დიდი რაოდენობა“ იემენში ორი კვირის წინ გაიგზავნა.
სამხრეთ იემენში ტერორისტული დაჯგუფება „ალ-ქაიდა არაბეთის ნახევარკუნძულზე“ და „ისლამური სახელმწიფო“ მოქმედებენ.
