თბილისი, 6 მაისი — Sputnik. აშშ-ის პრეზიდენტობის დემოკრატიული პარტიის კანდიდატი და ყოფილი სახელმწიფო მდივანი იმ რისკის შესახებ საუბრობს, რაც შეიძლება მოჰყვეს რესპუბლიკური პარტიის კანდიდატ დონალდ ტრამპის გამარჯვებას საპრეზიდენტო არჩევნებში.
„არ ვფიქრობ, რომ გარისკვა შეგვიძლია, თუ ქვეყნის მართვის ნებას მივცემთ ისეთ არაპროგნოზირებად ადამიანს, როგორიც დონალდ ტრამპია“, — განაცხადა კლინტონმა ტელეარხ CNN-თან ინტერვიუში. მისი თქმით, ისეთ ადამიანებს, როგორიც ტრამპია, „როგორც წესი, მარცხი მოსდით“.
როგორც ცნობილი გახდა, აშშ-ის პრეზიდენტობის კანდიდატებმა რესპუბლიკური პარტიიდან არჩევნებში მონაწილეობაზე უარი განაცხადეს. ამგვარად, დარჩა მხოლოდ დონალდ ტრამპი. ის ოფიციალურად, შესაძლოა, ივლისში რესპუბლიკელების ყრილობაზე წარადგინონ.
აშშ-ის საპრეზიდენტო არჩევნები 8 ნოემბერს გაიმართება.
