თბილისი, 4 მაისი — Sputnik. საქართველოს შეიარაღებული ძალების წარმომადგენლები მალე გამორჩეულ სახელფასო ბარათებს მიიღებენ — Army card–ი სხვა ბარათებისგან დიზაინითაც განსხვავდება და საშეღავათო პირობებითაც, ნათქვამია თავდაცვის სამინისტროს განცხადებაში.
Army card–ით სამხედროებს შეღავათები უწესდებათ საყოფაცხოვრებო ტექნიკის მაღაზიებში, აფთიაქებში, კვების ობიექტებში, სუპერმარკეტებში, ავტოგასამართ სადგურებზე, სპორტულ–გამაჯანსაღებელ, კულტურულ და საგანმანათლებლო დაწესებულებებში.
აღნიშნული ბარათებით ასევე ისარგებლებენ სამხედრო მოსამსახურეების ოჯახის წევრები.
Army card–ს აქვს შეზღუდვა: მისი საშუალებით აზარტული თამაშებისთვის თანხის გადახდა ვერ განხორციელდება.
შესაბამის მემორანდუმს ხელი მოაწერეს თავდაცვის მინისტრმა თინა ხიდაშელმა და „საქართველოს ბანკის“ გენერალურმა დირექტორმა მურთაზ კიკორიამ.
თავად დოკუმენტს ხელი ქართული არმიის 25 წლის იუბილესადმი მიძღვნილი დღესასწაულის შემდეგ მოეწერება.
