თბილისი, 28 აპრილი — Sputnik. „საქსტატის“ მონაცემების თანახმად, საქართველოდან ემიგრანტთა რაოდენობამ 88,5 ათასი ადამიანი შეადგინა, მათი უმრავლესობა რუსეთში გაემგზავრა (21,7%). მეორე ადგილზე საბერძნეთია. ამ ქვეყანაში საცხოვრებლად საქართველოდან ემიგრანტთა საერთო რიცხვის 15,9% წავიდა. მესამე ადგილზე თურქეთია (11,2%). ძირითადად საქართველოდან ქალებმა განიცადეს ემიგრაცია-54,6%.
საუბარია საქართველოს იმ მცხოვრებლებზე, რომლებიც 20010წლის 1 იანვრიდან მუდმივად ან დროებით საცხოვრებლად წავიდნენ საქართველოდან და 12 თვეზე მეტი არ დაბრუნებულან.
საყოველთაო აღწერამ აჩვენა, რომ 13 წლის მანძილზე საქართველოს მოსახლეობა 15%-ით შემცირდა და 3,7 მილიონი ადამიანი შეადგინა. აღწერა 2014 წლის 5-დან 19 ნოემბრამდე პერიოდში ჩატარდა. გამოკვლევისას გაითვალისწინეს ოჯახების შემადგენლობა, მათი დემოგრაფიული, სოციალური და ეკონომიკური მდგომარეობა, მცხოვრებთა ეთნიკური და რელიგიური კუთვნილება, დასაქმება, ასევე ჯანმრთელობის მდგომარეობა.
