თბილისი, 28 აპრილი —Sputnik. საქართველოს ყველა საპატიმრომ დაიწყო სააღდგომო საჩუქრების მიღება პატიმრებისთვის.
„კანონით განსაზღვრული წესით, ყველა პენიტენციურ დაწესებულებაში ამანათების მიღება იწარმოებს 28, 29 და 30 აპრილს, 10:00 საათიდან 18:00 საათამდე“, — ნათქვამია სასჯელაღსრულებისა და პრობაციის სამინისტროს ვებგვერდზე განთავსებულ განცხადებაში.
საჩუქრების გამგზავნელებს უნდა ახსოვდეთ, რომ ამანათში არ შეიძლება შედიოდეს ფული, საათი, სამკაული და მზის სათვალე.
გარდა ამისა, აკრძალულია ალკოჰოლური სასმელების, გასათბობი საკვები პროდუქტების, ინსტრუმენტების, სათამაშო კარტების, ფოტოაპარატების, მობილური ტელეფონების, კომპასების, ფორმის ტანსაცმლისა და საღებავების გადაცემა.
